Qahhorova Mavjudaning shaxsiy sayti

Oddiy o'qituvchi

Mavjuda — Sat, 12 Nov 2016 04:42:33 GMT

O'qituvchi o'ziga mansab pog'onalarini qurmaydi. U maktabga o'qituvchi bo'lib keladi va uni shu nom bilan dafn qilishadi..., nomining oldiga pensioner so'zini qo'shib.

U - aktyor, lekin uning tinglovchilari va tomoshabinlari uni olqishlashmaydi.

U - shifokor, lekin uning bemorlari juda kam hollarda undan minnatdor bo'lishadi, hattoki, har doim ham davolanishni xohlashmaydi.

U har kungi ilhom uchun kuchni qayerdan oladi? Faqatgina o'zidan, o'z ishining buyukligini xis qilganligidan. Va faqatgina jamiyatning qo'llab-quvvatlashidan, unga - o'qituvchiga bo'lgan hurmatidan oladi kuch.

Har kuni ish reja, jurnal, yo'qlamalar, ota-onalar, metodik tekshiruvlar, inspektor, o'qituvchilar xonasidagi mayda gaplar va hokazolar... uni to'kib boradi. Unga esa bularning hammasini sinf xonasi ostonasida qoldirib, o'quvchilari oldiga ko'tarinki ruhda kirishi lozim bo'ladi.

Simon Soloveychik

Abadiy quvonch. Hayot va maktab lavhalari

O'g'lim chapaqay. Maslahatingizga muhtojman

Mavjuda — Wed, 21 Oct 2015 03:02:00 GMT

Ассалому алайкум Мавжуда опа.Мени углим 1-синфни тугатди. Ч а п а к а й!!! Хозир мен уни унг кул билан езишга мажбурламокдаман сабаби чап кул билан езса ургатолмайман.Нигохимни олиб кочсам дархол чап кулга утиб олади.Харфларни танийди,лекин бир-бирига кушолмайди.Тугри киляпманми.Жавобингизни интизорлик билан кутаман.

Chapaqaylik nima, uni qayta tayyorlash mumkinmi?

“Chapaqay” bu odatiy harakatlarni chap qo'li bilan bajarishga odatlangan odam, buning aksi esa “o’naqay”. Chapaqay odamlar insonlar orasida taxminan 15% ni tashkil etadi, ya’ni har yetti kishining biri chapaqay hisoblanadi.

Chapaqay bo'lgan odam, shaxsiy ehtiyojlari uchun asosan o'ng qo’lidan ko’ra ko'proq tez-tez chap qo'lidan foydalanadi. Masalan, ovqat pishirish va shunga o'xshash holatlar uchun chap qo'lidan ko’p foydalanadi. Xat yozishda ishlatiladigan qo’l insonni aniq chapaqay yoki o’naqay ekanligiga dalolat bermaydi. Chunki, ko’p chapaqay odamlar yozishda o’ng qo’lini ishlatib, qolgan amallarni bajarishda chap qo'lidan foydalanishadi.

1977 yilda o’rta yoshdagi aholining qariyb 8 – 15 % i chapaqay ekanligi aniqlangan. Tadqiqotlar chapaqaylar ayollardan ko’ra erkaklarda ko’proq uchrashini ko'rsatadi.

Statistika ma'lumotlariga ko'ra, bugungi kunda dunyoda 500 million chapaqay aholi istiqomat qiladi. Evropada tug'ilgan bolalarni o'n foiz chapaqay bo’lib ular sabrsiz, ko'p shovqin soluvchi, lekin bolalikda ular chiqishuvchan, dilkash suhbatdoshdirlar. Chapaqaylar ko’pincha kasblardan san'atkorlik, rassomlik, yozuvchilikni tanlashadi. Chapaqaylar qilichbozlikda, stol tennisida ko’p qadrlanishadi. Shunday qilib, dunyoda 2014 yilning oktyabr oyi statistikasiga ko'ra ellikta eng yaxshi tennischilarning yigirmatasi chapaqaylardir.

Chapaqaylikning sabablari

Dominant qo'l

* Inson biror jiddiy sabab bilan majburiy chap qo’lini ishlatishi mumkin, masalan kasallik yoki tug'ilish paytidagi travma natijasida miya chap yarim sharining zararlanishi natijasida.

* O'ng qo'lning uzoq muddatli jiddiy shikastlanishi natijasida vaqtincha chap qo’lga odatlanish keyinchalik uni doimiyligiga olib kelishi mumkin. Bunday jiddiy jarohati oxirgi 6 oy yoki undan ko'p bo’lgan vaqtlarda.

* Testosteron: bir nazariyaga ko’ra, tug'ilishdan oldin testosteronning yuqori dozalarda qabul qilish xomilaga ta'sir qilib, uning oqibatida bola chapaqay bo’lib tug’ilgan bo’lishi mukinligini ko’rsatgan.

* Ultratovush nazariyasi: tug'ilmagan bolalarni ultratovush bilan tekshirish paytida ultratovush bola miyasiga ta'sir qilishi mumkin, bu mashhur nazariya hisoblanadi. Bu chapaqaylik rivojlanishiga olib kelishi mumkin deb ishoniladi. Bu nazariya bir necha tadqiqotlar natijalariga asoslanadi. Biroq, keyinchalik boshqa maqolalarida, mualliflar dallillar ultratovush ta'siri bo'yicha xulosa qilish uchun yetarli emas degan xulosaga kelishgan va bu bog’liqliklar tasodifiy bo'lishi mumkin degan xulosani berishgan.

Endi asosiy maslaga qaytsak, chapaqay o’quvchini o’ng qo’lga o’rgatish mumkinmi, ya’ni uni qayta tayyorlash qanday bo’ladi?

Zamonaviy jamiyatda, buning uchun qat’iy standartlashtirish va intizomga e'tiborni erta bosqichlarida qaratishga harakat qilingan. Bu usulga ko’ra har qanday chetlanish kuchli bosim va yoki jamiyat izolyatsiyasi orqali tuzatishga harakat qilingan. Chapaqaylik bu normadan chetlanish sifatida qaralgan va ko’p davlatlarda chapaqaylar yoshligidan majburan qayta tarbiyalangan (odatda u birinchi navbatda, yozish va ovqatlanish anjomlaridan foydalanishda o'ng qo'ldan majburiy foydalanishga asoslangan). Asta-sekin bu yondashuv behudaligini va hattoki ziyon ekanligini qayd etishgan va bu qayta tarbiyalash yoki tayyorlashni tark etilgan.

Sobiq ittifoq davrida chapaqaylikni qayta tarbiyalash uchun ommaviy kurashilgan paytlar bo’lgan. Biroq, bu chapaqaylikni qayta tayyorlash tajribasi bolalarning ruhiy va jismoniy salomatliklarining jiddiy yomonlashuviga olib kelgan. Bu holat Chuprikova A.P. tomonidan "dekstrastress", deyiladi. Dekstrastress - (. Yunoncha o'ng demakdir) chapaqay bo'la (levolateralnym)ligida bosim ostida o'ng qo'lga o'rgatilgan odamning chuqur psixofiziologik bosim ostida qolishidir. Bu yorqin holda chapaqay bollarni majburan o’ng qo’lda yozishga undash holida kuzatiladi. Natijada, bola salomatligida ma’lum bir buzilishlar bo'ladi: turli asabiy va nevroz kabi xolatlar (ruhiy tushkunlik, qo'rquv, tungi siydik tutolmaslik, duduqlanish, va hokazo) paydo bo’ladi, yashirin perinatal hipoksik ensefalopatiya latent ta'siri zo'rayishi, hatto epilepsiyagacha holat kuzatiladi.

1985 yilda sobiq ittifoq sog'liqni saqlash vazirligi, 1986 yilda sog'liqni saqlash va ta'limi vazirligi, sobiq ittifoqda chapaqay yozuvchi va chapaqay bolalarni qo'llab-quvvatlovchi rasmiy hujjatlarni qabul qildi.

Bugungi kunda, barcha MDH davlatlari yuqoridagi hujjatlarning asosiy qoidalariga amal qilishlari sezilarli darajada oshdi (3-4% dan 8-12% gacha) va shunday qilib, MDH mamlakatlari ham chapaqaylarni qo’llab quvvatlash butun dunyo harakatiga qo'shilishdi.

Ba'zi tadqiqotlarda chapaqaylik va texnik qobiliyatlari / aql o'rtasida kichik ijobiy munosabatlarni ko'rsatgan.

Chris McManus o’z kitobida chap qo'l va chapaqay odamlar orasida yuqori darajada muvaffaqiyatli talabalar bor, deb bahs yuritadi. U chap-qo'l miyalari boshqacha tuzilgan va fikrlash doira qobiliyatini uzaytiradi, va chapaqaylikka javobgar genlar ham miyaning nutq markazlari rivojlanishini nazorat qiladi deb aytadi.

Demak, xulosa qilib aytadigan bo’lsak, chapaqay bolangizni chapaqay ekanligiga to’la ishonch hosil qilgan bo’lsangiz uni ortiqcha bosim ostida o’ng qo’lda yozishga o’rgatishga urinmang. Bu bolada tabiiy jarayonni tushunmaslikka olib kelishi va uni ilm o’rganishidan bezishiga, jamiyatdan chetlashishiga olib kelishi mumkin.

Fikrlashuvga marhamat sahifasining "O'zimiz ijod qilamiz" rukniga farzandlarimiz ijodi qo'shildi

Mavjuda — Mon, 22 Sep 2014 10:22:04 GMT

Fikrlashuvga marhamat sahifasining "O'zimiz ijod qilamiz" rukniga farzandlarimiz ijodi qo'shildi.

Birinchi ustozim

Вақти келди - бизлар полопон,
Учмоққа шай турибмиз қаранг.
Улғайдик-да, дилда ҳаяжон,
Орзумиз ҳам бугун ранг-баранг.

Устоз, сизга меҳримиз буюк,
Гарчи тўрт йил бермадик тиним.
Сизни жондан кўрамиз суюк,
Бизла доим сиз берган билим.

Навоий ҳам устозлар ҳакда,
Берган экан улуғ бир таъриф.
Билим ҳаққин тилло-зар билан,
Бўлмас экан асло қайтариб.

Устоз бизга тилангиз оқ-йўл,
Йўлларимиз бўлсин чароғон.
Келгусида бизлар - қиз, ўғил,
Олиб келсин сизга шараф-шон.

Сурайёдир сизни исмингиз,
Ярашади кулиб турсангиз.
Доим соғлом бўлсин жисмингиз,
Муборак ёшларга кирсангиз.

Сизга ёқди, балки ёқмади,
Жо айладим меҳрим шеърима.
Шаънингизга ушбуни битган,
Ўқувчи қизингиз Муслима.

Saxobataliyeva Muslima Nodirali qizi

Boshlang'ich sinf o'quvchilari uchun interaktiv-sinov o'yini

Mavjuda — Mon, 11 Aug 2014 14:47:43 GMT

Ma'lumki, boshlangich sinfda o'quvchilar uchun matnda gapning boshlanishi va tugallanishini bilish muhim hisoblanadi. Bu kabi interaktiv o'yinlar orqali o'quvchilar o'zlarini bilimlarini va ko'nikmalarini oshirishlari va shu bilan birga baholashlari ham mumkin. Kelajakda bu kabi interaktiv o'yinlarni saytimizga qo'yib borishni rejalaganmiz.

Fayllar javoniga 3-sinf uchun matematika fanidan 1 soatlik dars ishlanma joylandi

Mavjuda — Fri, 09 May 2014 07:55:34 GMT

Fayllar javoniga 3-sinf uchun matematika fanidan 1 soatlik dars ishlanma joylandi

http://mavjuda.ucoz.net/load/mening_fayllarim/3_sinf_uchun_matematika_fanidan_1_soatlik_dars_ishlanma/1-1-0-13

Jonajon Respublikamizning go'zal maskanlariga kompyuter orqali jonli sayohat

Mavjuda — Tue, 06 May 2014 20:17:44 GMT

Jonajon Respublikamizning go'zal maskanlariga kompyuter orqali jonli (3D) sayohat

Siz endi Respublikamizning go'zal maskanlariga uyingizdan chiqmagan holda deyarli jonli sayohat qilishingiz mumkin. Bu endi haqiqatga aylandi.

Masalan, siz Toshkent shahrining e'tiborga sazovor joylariga sayr qilmoqchi bo'lsangiz, manabu linkni bosing http://msth.uz/?page_id=846

Samarqand shahriga sayohat qilish uchun esa http://msth.uz/?page_id=831

Buhoro shahriga sayohat uchun http://msth.uz/?page_id=806

Xiva shahri uchun http://msth.uz/?page_id=862

Albatta, boshqa shaharlar ham bor http://msth.uz/?page_id=880

Respublikamiz tabiati ayniqsa, so'lim. Sizda uni ko'rish uchun ham imkoniyat bor, marhamat http://msth.uz/?page_id=895

Buyuk ajdodlarimiz ilmiy salohiyatlarining munosib e'tirofi

Mavjuda — Sat, 19 Apr 2014 11:42:43 GMT

Samarqand shahrida Xalqaro ilmiy anjuman bo'lib o'tadi

Joriy yil 15-16 may kunlari Samarqand shahrida “O'rta asrlardagi Sharq olimlari va allomalarining tarixiy merosi, uning zamonaviy tsivilizatsiyadagi o'rni va roli” mavzusida Xalqaro ilmiy anjuman bo'lib o'tadi. Anjumanni o'tkazishdan ko'zlangan asosiy maqsad yurtimizda yetishib chiqqan buyuk olimlarimiz va allomalarimizning tarixiy ilmiy merosini chuqur o'rganish va o'zlashtirish, ularning xalqaro taraqqiyotga qo'shgan hissalarini mahalliy va xalqaro jamoatchilikka keng yoritish, ularning mehnatlari va ixtirolarini har tomonlama tadqiq etish uchun dunyoning turli mamlakatlaridan ilmiy markazlar va yetakchi olimlarni jalb qilish, ushbu insoniylik qadriyatlarini zamonaviy ilm-fan rivojlanishi asoslari sifatida saqlash va ommalashtirish, ilmiy merosning hozirgi kun bilan aloqasi va yoshlarni “XXI asr – bilim va intellektual mehnat asri” tushunchasi yordamida tarbiyalashdan iborat, deb xabar berdi “Jahon” AA. Mazkur anjumanda ilg'or xorijiy olimlar va ekspertlar, xalqaro tashkilotlar va diplomatik korpuslar vakillari ishtirok etadi. Unda al-Xorazmiy, al-Farg'oniy, Beruniy, Ibn Sino, Mirzo Ulug'bek, Navoiy, Zamaxshariy, Bobur va boshqalar kabi buyuk olim va mutaffakirlarning ilmiy merosi tahlil qilinadi. Yalpi majlisdan so'ng anjuman to'rtta bo'limda ish olib boradi: “Aniq fanlar sohasida ishlagan o'rta asrlardagi Sharq olimlarining ilg'or yutuqlari, zamonaviy fanlar (astronomiya, matematika, j'og'rofiya, geodeziya) rivoji va shakllanishiga ular qo'shgan hissa”, “Tabiy fanlar (tibbiyot, farmakologiya, kimyo, mineralogiya) rivojiga alohida hissa qo'shgan olimlarning ilmiy merosi”, “Olimlar va mutaffakirlarning tarixiy va falsafiy merosi” hamda “Olimlar va mutaffakirlarning tilshunoslik va adabiyot bo'yicha ilmiy meroslari”. Anjuman davomida arxivda saqlanib kelinayotgan yozma meroslarning katalogini, ular bo'yicha bibliografik ma'lumotnomalar yaratish, yozma manbalarni raqamlashtirish va keng fan jamoatchiligiga internet orqali ularga yo'l ochish, yozma manbalarni asosiy xalqaro tillarga ilimiy-izohli tarjima qilinishini amalga oshirish, dunyoning yetakchi telekanallari bilan hamkorlikda buyuk olim va mutaffakirlar haqida hujjatli filmlar yaratish bo'yicha vazifalar muhokama qilinadi. Tadbir yakunida ishtirokchilarning asosiy ma'ruzalari va nutqlarini o'z ichiga olgan materiallar to'plamini nashr qilish rejalashtirilmoqda. Shuningdek, anjumanning Markaziy Osiyoning barqaror rivojlanishiga xizmat qiluvchi ma'naviy-madaniy, intellektual salohiyatni shakllantirish va mustahkamlash bo'yicha zamonaviy olimlar avlodining ilmiy-madaniy faoliyatiga ham baho berishi kutilmoqda.

6-7 yoshli bollalar uchun sonlarni o'rganish mashqi

Mavjuda — Mon, 31 Mar 2014 19:14:23 GMT

Fayllar javoniga yangi interaktiv ko'rgazma "6-7 yoshli bollalar uchun sonlarni o'rganish mashqi" qo'shildi.

http://mavjuda.ucoz.net/load/mening_fayllarim/6_7_yoshli_bollalar_uchun_sonlarni_o_39_rganish_mashqi/1-1-0-12

Oddiy muallim

Mavjuda — Mon, 01 Oct 2012 20:38:22 GMT

Oddiy muallim

(Yoxud eng sharafli kasb egalari haqida o‘ylar...)

..Donishmandlar, buyuklik – oddiylikda, deyishadi. Oddiylik sifati zamirida halollik, fidoyilik, mehribonlik kabi yuksak insoniy fazilatlar mujassam. Hayotini yoshlarga ta’lim-tarbiya berishga bag‘ishlagan, el orasida obro‘-e’tibor qozongan, katta-katta mukofotlarni qo‘lga kiritgan o‘qituvchi ham o‘z kasbi haqida gapirganida oddiy muallimman, deydi g‘urur bilan.

"A’lo” baho olgan o‘quvchisini yelkasiga opichlagancha sinf aylantirgan, onasidan bevaqt judo bo‘lgan bolakayni bag‘riga bosgancha yum-yum yig‘lagan, sinfga kirib kelgan qizaloqning sovuqdan qizargan qo‘llarini kaftiga olib "kuh-kuh”lab isitgan, shogirdlarini hayotning achchiq-sanchiqlaridan asragan, qoqilsa – suyab, yiqilsa – turg‘izgan, g‘amga botsa, otadek ezilib, yutuqlaridan boladek quvongan muallimga buncha mehr, bunchalik fidoyilikni ato etgan kim?! Ming-minglab murg‘ak qalblarga ezgulik yog‘dusini baxsh etadigan, kelajakka tiyrak nigoh tashlab turgan o‘g‘il-qizlarimizni mustaqil fikrlashga, mustaqil yashashga o‘rgatadigan, yoshlarimiz qalbida ertangi kunga qat’iy ishonch uyg‘otadigan o‘qituvchi va murabbiylar mehnatining o‘lchovi, qiyosi bormi?...

Davlatimiz rahbarining «Dunyo imoratlari ichida eng ulug‘i maktab bo‘lsa, kasblarning ichida eng sharaflisi o‘qituvchilik va murabbiylikdir», degan so‘zlari bizning mehnatimizga berilgan eng yuksak bahodir.

Bizga ilm o‘rgatgan o‘qituvchilarimiz, boshimizni silagan murabbiylarimiz, hayotning qaysidir nuqtasida to‘g‘ri yo‘l ko‘rsatgan ustozlarimiz haqida o‘ylar ekanmiz, Alisher Navoiy hazratlarining senga loaqal birgina harf bo‘lsa-da o‘rgatgan kishining haqini ming ganj ila ham ado etib bo‘lmas, degan so‘zlari yodimizga tushadi.

Ha, eng ulug‘ shoir, eng mashhur olim, dunyoga taniqli sportchi, kosmonavt – boringki, kim bo‘lishidan qat’i nazar, bu dunyoda har bir insonning qo‘liga ilk bor qalam tutqazgan, ilk bor saboq bergan, harf o‘rgatgan – bu oddiy muallimdir…

Ming bor ta’zim sizga, oddiy muallim!

Manba: Uza.uz (Uzedu.uz)

Taqdirimsan, baxtimsan, erkin va obod Vatan mavzusida yangi ma'lumot

Tojixon — Fri, 31 Aug 2012 10:37:37 GMT

Hurmatli saytimiz foydalanuvchilari va mexmonlari!

Agar Sizga "Taqdirimsan, baxtimsan, erkin va obod Vatan" mavzusida yangi ma'lumot kerak bo'lsa, marxamat qilib saytimiz foydalanuvchilaridan birlari Tojixon (xusanxon@bk.ru, xusanxon@freemail.uz, mirxusanxon@gmail.com) ga xabar bilan murojat qilishingizni so'raydilar va albatta tekin ekanligini ta'kidlaganlar. Biz ham Tojixonga bu xabar uchun minnatdorchilik bildiramiz va istasalar bu ma'lumotlarni saytimizga joylashlari mumkinligini ham eslatib o'tamiz.

Yana bir bor faolligingiz uchun tashakkur!